🏀
其實琴日我驚到震！
不過就算我內心有幾震，我都會扮唔驚，呢種處變不驚（至少個樣🌚）小女都花咗唔少功夫😆
為咗呢段說話我好努力咁去背好，
而且呢段說話我覺得除咗講比你哋聽，
更加係講俾自己聽。
所以我想記錄低佢：
「喺香港，做一個運動員好難，做一個學生運動員更難。或者，有好多人會質疑你嘅選擇(讀書比籃球重要)，質疑你嘅能力(唔能夠讀書、運動兩面兼顧)，質疑你嘅付出，甚至質疑你嘅成就(唔係冠軍就一定失敗)。呢啲，都係人生歷練嘅一部分。對所有質疑最好嘅回應，就係你訓練時候亳無保留嘅付出，比賽時候淋漓盡致嘅發揮。」 「能夠打入精英賽，特別係能夠排除萬難打入決賽，我相信同學們嘅努力同拚搏已經值得大家嘅掌聲。」 「嚟緊，我會為0.01秒付出所有，我亦都希望冠軍戰嘅兩隊同學可以喺呢個一生只有一次嘅舞台上付出所有。記住，唔好懷疑自己，反而要問自己，IS IT CRAZY ENOUGH?」 「我係香港嘅運動員歐鎧淳。」 Nike Hong Kong nikehkg #nikehkg #jingyingbasketball
ps.【大心臟】一定係為我而設
Search